Успешно заврши првиот циклус од Лидерската академија на Flex Group

Со фокус на континуираниот развој на вработените и јакнењето на лидерските компетенции, Flex Group успешно ја заврши првата фаза од својата Лидерска академија. Програмата, која започна во февруари, претставува стратешка инвестиција во развојот на менаџерскиот кадар и унапредувањето на организациската култура.

Околу 60 директори и менаџери успешно ја завршија програмата

Првиот циклус од Лидерската академија го завршија околу 60 директори и менаџери од различните компании во рамките на Flex Group. Академијата беше наменета за унапредување на лидерските вештини, стратешкото размислување и поефикасното управување со тимови.

За колегите кои неодамна презедоа раководни позиции, програмата претставуваше значајна поддршка во нивната професионална транзиција. Преку практични алатки и современи пристапи, учесниците стекнаа знаења за успешно балансирање помеѓу деловните резултати и лидерството базирано на доверба, комуникација и емпатија.

Реализација во соработка со Prudens

Целосната програма беше реализирана во соработка со Prudens – организациски развој и лидерство, чиј тим од искусни обучувачи и експерти спроведе интерактивни предавања и практични модули, прилагодени на современите деловни предизвици.

Позитивни искуства од учесниците

Според евалуациите, учесниците ја оценија академијата како исклучително корисна и навремена. Обуките им помогнаа полесно да се справат со предизвиците што ги носат новите менаџерски улоги, да ја зголемат својата самодоверба и поефикасно да ги водат секојдневните процеси во филијалите и секторите.

Лидерската академија продолжува во септември

Завршувањето на првиот циклус претставува само почеток на долгорочната стратегија на Flex Group за развој на своите вработени. По летната пауза, програмата продолжува во септември со нови специјализирани модули и дополнителни реномирани обучувачи, со цел понатамошно унапредување на лидерските компетенции во компанијата.